Антонио Конте ја напушта клупата на Наполи по завршувањето на оваа сезона поради лични причини. Тој иако има договор до јуни 2027 година, веќе го информирал претседателот на клубот, Аурелио де Лаурентис дека сака да си замине.
Според италијанските медиуми, 56-годишниот стратег сака да се раздели со Наполи без финансиска компензација. Под негово водство тимот лани ја освои шампионската титула во Серија А, додека оваа натпреварувачка година финишира на второто место на табелата, зад шампионот Интер.
Конте се споменува и како иден селектор на Италија, функција што веќе ја извршуваше од 2014 до 2016 година. Во тренерската кариера ги водеше и Аталанта, Јувентус, Сиена, Челси, Интер и Тотенхем.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.