Апелацискиот суд ги зголеми казните за велешката група која една година во повеќе случаи, силувале малолетничка. Телма дознава дека се работи за дел од момчињата кои во 2016-та се занимаваа со ширење на лажни вести за Доналд Трамп.
Во денешната Телма сторија, направивме анализа на случајот во кој е уништена една младост, но и дали е поука за младите и општеството.
Сторија на новинарката Билјана Николовска и снимателот Игор Јанковски.
Најголем дел од осудените се токму таканаречените велешки деца на Трамп. Веднаш тврдеа дека нивното апсење е освета за тоа што работеле за Трамп и имале многу пари. Обвинија дека им е баран рекет и од полицијата и од судско обвинителски кругови за да не бидат обвинети и осудени, а исто така и да не лежат во притвор. Неколку пати најавуваа дека ќе проговорат јавно, но никогаш не го сторија тоа.
За обвинителството Тврдењата за „Трамп“, „Републиканци“ и слично се обид да се пренасочи вниманието од фактите.
Првообвинетиот Стефан Димовски е во бегство. Од домашен притвор кој му го одреди Кривичниот суд на изрекувањето на пресудата тој избегал една недела пред да му се зголеми казната.
На 7 април МВР за него распиша само централна, не и меѓународна потерница. Во затвор е веќе Тино Илиевски кој бил затекнат надвор и покрај тоа што му беше одреден куќен притвор. За останатите нема информација дали се јавиле в затвор.