Претседателот на СДСМ венко Филипче апелираше владата да ги прифати нивните мерки за намалување на ефектите од поскапувањето со „нула“ ДДВ за основните прехранбени производи и намалување на акцизата за 4 денари.
„Порастот на цените на енергенсите, на дериватите, на нафтата, на бензините ќе повлече поскапување на сите прво прехранбени продукти, понатаму на се друго во државата. Нафтата беше 71 денар сега е 95,5 денари и граѓаните веќе се жалат дека имаат проблем дека не може да наполнат ниту една кошничка, дека едноставно не може да се прехранат. Поскапени се основните прехранбени производи јајцата, месото, млечните производи, овошјето, зеленчукот, а знаеме дека кога тие продукти еднаш ќе поскапат назад цените нема да се вратат“, рече Филипче на прес конференција.
Филипче ја повика власта дополнително да донесе и пакет мерки за одредени категории на граѓани, по примерот на земјите од регионот, како што се посебни пакети мерки за посебни категории на граѓани, за социјално загрозените, луѓе се посебни потреби, најсиромашните пензионери, луѓе со ниски примања, семејства со повеќе деца.
