Повеќе од еден месец се штрајкува во Грција. Земјоделците бараат исполнување на нивните барања кои ќе им загарантираат подобра егзистенција и приходи.
Поради тоа, и преминот Богородица-Евзони, еден од најфреквентните е речиси пуст. Времените, а понекогаш и целосните блокади, како последната ги променија навиките на голем број Грци кои редовно доаѓаа на пазарење и забава во македонските погранични места.
Ова најдобро го забележуваат Гевгеличани, каде голем број локални бизниси зависат директно од грчките посетители.
Гевгеличани се жалат дека од почетокот на штрајкот на грчките земјоделци, посетата на градот е значително намалена што се одразува и на локалната економија.
На пазарот во Гевгелија се пресликува истата ситуација. Пазарот вообичаено трае до пладне, но и денеска помина без купувачи од Грција. Пазарџиите велат дека приходите им се значително намалени.
„Околу 30 проценти од пазарот го правев од Грци. Многу се чувствува кога не доаѓаат. Не знам како ќе е понатаму, ама сега не е добро“, вели продавач на пазарот во Гевгелија.
Освен пазарите, маркетите и продавниците за облека, Грците се значајни клиенти и во рестораните, заболекарските ординации, фризерските и козметички салони.
Речиси да нема дејност која во моментов не трпи загуби од долгите протести на грчките земјоделци.
Сузана Мицева