На 74-годишна возраст почина пеачот Крис Риа, зад себе ги остави незаборавните хитови како „Driving Home for Christmas“, „Fool (If You Think It’s Over), „Let’s Dance“ и „The Road To Hell“.
Неговата популарност достигна кулминација на крајот на седумдесеттите и осумдесеттите години.
- „Тој почина денес мирно во болница по кратко боледување, опкружен со своето семејство“, се вели во соопштението од неговата сопруга и двете деца.
Музичарот претходно бил дијагностициран со рак на панкреас и му бил отстранет панкреас во 2001 година.
Риа е роден во Мидлсбро во 1951 година од татко Италијанец и мајка Ирка – неговото семејство се занимавало со бизнис со сладолед, а Риа дури и го полагал возачкиот испит во комбето за сладолед на неговиот татко.
Тој сè уште работеше за својот татко кога ја купи својата прва гитара, „Хофнер V3“ од 1961 година, во раните 20-ти години.
Тој снимил 25 соло албуми, од кои два се искачиле на врвот на британската листа на албуми. Неговиот препознатлив груб глас и свирење на слајд гитара се зачувани во песни како што се „Road to Hell“, „Auberge“, „On the Beach“ и „Driving Home for Christmas“.