Планска програма за почист воздух на владата предвидува изградба на когенеративни гасни централи… но и во Струмица како да не се знае кој загадува и зошто, иако општината е некој вид лидер по гасификација, во вечерашната Топ Тема Ѓорѓи Танушев од невладината „Здрава котлина“, потврди дека во Струмица има секундарна гасоводна мрежа, но таа не е искористена.
- Проблемот со таа капитална инвестиција е што останува неискористена, едно поради високите сметки сега со војната во Украина, а второ е тоа што луѓето треба да инвестираат за да можат да ја користат таа секундарна мрежа а голем дел од семејствата не се спремни да ја поминат таа бариера, затоа дефинитивно е потребна државна помош со некакви евтини кредити, односно интервенција од централниот буџет. Тоа е рецептот кој треба да се примени во секој град. Во Струмица 45 километри е секундарната гасоводна мрежа, истакна Ѓорѓи Танушев – Здрава котлина.
Според него просечно 3-5.000 евра се потребни за секое домаќинство и таа се исплати за долг рок имаше и субвенции на гасот порано но тоа не е доволно. За локалната лесна индустрија може да се каже дека со гасот фирмите може да заштедат на трошоци.
Б.С.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.