Истражувањето ЕСПАД 2024, презентирано од Институтот за јавно здравје, покажува дека дел од младите во Македонија почнуваат да пушат уште на 9 годишна возраст, додека првото искуство со алкохол го имаат околу 13 години.
Највисоките стапки на употреба на прва цигара и е-цигара се забележани кај 14 и 15-годишни, додека 28,5 проценти од учениците го пробале алкохолот пред 13-та година. Податоците исто така покажуваат зголемена употреба на е-цигари и различни психоактивни супстанции, како транквилизатори, лекови против болки и канабис, со почесто вклучување на момчињата во споредба со девојчињата.
Еден од четири ученици пријавиле коцкање, со значително поголема застапеност кај момчињата, особено во онлајн коцкањето. Од ИЈЗ потенцираат дека резултатите се основа за унапредување на превентивните програми во училиштата, како и за зајакнување на интерсекторската соработка за создавање побезбедна и поздравa средина за младите.
Т.Д.
