Aвстралискиот премиер Eнтони Aлбанезе денеска изјави дека ќе предложи построги национални закони за оружје по масовното пукање на плажата Бонди во Сиднеј во кое загинаа најмалку 15 луѓе, а се повредени повеќе од 40. Првичните истраги покажуваат дека двајцата напаѓачи биле татко и неговиот 24 годишен син. Албанезе изјави дека ќе предложи нови ограничувања, вклучително и ограничување на бројот на оружје што може да го добие лиценциран сопственик.Австралија тагува по жртвите од нападот врз еврејскиот фестивал во Сиднеј.
–И конечно сакам да завршам велејќи дека владата е подготвена да преземе каква било акција што е потребна. Вклучена во тоа е потребата од построги закони за оружје и денес попладне, во 16 часот, ќе ставам на дневен ред на Националниот кабинет построги закони за оружје, вклучително и ограничувања на бројот на оружје што може да се користи или лиценцира од поединци. Преглед на лиценците во одреден временски период. Околностите на луѓето се менуваат, луѓето можат да се радикализираат во одреден временски период. Лиценците не треба да бидат вечни. И проверки, се разбира, осигурувајќи се дека тие проверки и рамнотежи се воспоставени. Ќе поставиме задача, ќе го доставам до Националниот кабинет денес попладне, предлог за овластување на агенциите д испитаат што може да се направи во оваа област. Сосема јасно е дека законите за оружје на владата на Хауард направија огромна разлика во Австралија и горд момент на реформа, сосема правилно, постигнат низ целиот Парламент со двопартиска поддршка. Ако треба да ги заостриме овие, ако има нешто што можеме да направиме, секако сум подготвен за тоа и се надевам дека Националниот кабинет ќе се согласи и за тоа денес попладне, вели Aлбанезе.
Реагираа од Еврејската заедница, еврејски лидер во Сиднеј ја повика австралиската Влада да стори повеќе за да ја заштити еврејската заедница откако двајца вооружени лица извршја напад за време на прославата на ханука на плажата бонди во сиднеј. Масакрот на една од најпопуларните плажи во Австралија следеше по бран антисемитски напади што ја потресоа земјата во текот на изминатата година, иако властите не сугерираа дека тие и пукањето вчера се поврзани. Тоа беше најсмртоносен напад во речиси три децении во земја со строги закони за контрола на оружјето.
-Слушнете, мислам дека федералната Влада направи голем број погрешни чекори во врска со антисемитизмот. Мислам дека кога ќе се случи напад, како оној што го видовме вчера, најважната и фундаментална должност на владата е заштитата на нејзините граѓани. Значи, има огромен неуспех и истрагата треба да открие како тоа било дозволено да се случи. Но, нема два начина. Федералната влада беше многу бавна во справувањето со ова прашање. Не видовме лидерство на федерално ниво какво што го имаме на државно ниво. И сега, повеќе од кога било, е моментот, ако не сакаме сега да се засилиме и да се справиме со кризата каква што е, кога ќе го сториме тоа?, прашува Давид Осип.
Во чест на жртвите , знамињата низ цела Австралија се спуштени на половина копје. Австралискиот премиер го опиша нападот како „злобен чин на антисемитизам“ и тероризам.
К.К.