Во пукање за време на прославата на еврејскиот празник Ханука на плажата Бонди во Сиднеј загинаа 12 лица, соопшти локалната полиција. Еден од двајцата напаѓачи е убиен, додека другиот е ранет и приведен.
Според полициски извори, нападот бил планиран со месеци и бил директно насочен кон настанот.
На местото на трагедијата интервенирале повеќе од 30 екипи за итни случаи, вклучувајќи и специјални хеликоптерски единици.
На социјалните мрежи се појавија видеа од инцидентот на кои се гледа како случаен минувач му го одзема оружјето на еден од напаѓачите и го принудува да се повлече.
Премиерот на Нов Јужен Велс, Крис Минс, му оддаде почит, изјавувајќи дека станува збор за „вистински херој“ и дека „нема сомнеж оти многу луѓе вечерва се живи благодарение на неговата храброст“.
Лицето е идентификувано како 43-годишен маж од Сиднеј по име Ахмед ал-Ахмед.
Австралискиот портал „News.com.au“ наведува дека Ахмед ал-Ахмед е всушност сопственик на продавница за овошје во Сиднеј, а според изјавите на неговите роднини, Ал-Ахмед нема искуство со оружје, туку едноставно минувал и решил херојски да интервенира.
❗️Shocking footage. A passerby disarmed the shooter “with bare hands” at Bondi Beach in Sydney. pic.twitter.com/UHtHFGjX7Q
— 🪖MilitaryNewsUA🇺🇦 (@front_ukrainian) December 14, 2025