Белгискиот премиер Барт де Вевер предизвика бурни реакции со контроверзната изјава дека Русија нема да ја загуби војната, нарекувајќи го таквиот исход „бајка и тотална илузија“. Во интервју за „Ла Либре“, Де Вевер истакна дека „замрзнатиот“ руски имот на крај ќе мора да биде вратен на Москва, а секој обид за негова заплена, отворено го нарече кражба, пренесува РБЦ Украина.
Според Де Вевер, Белгија се наоѓа под „неверојатен притисок“ по прашањето за одземање на „замрзнатите“ руски средства и инсистита дека таквиот потег би бил без преседан.
„Кражба на „замрзнат“ имот на друга држава, на нејзините суверени фондови, никогаш не била направена. Тоа се парина Централната банка на Русија. Дури ни за време на Втората светска војна, германските пари не беа конфискувани, туку „замрзнати“, рече Де Вевер.
Белгискиот премиер не само што не верува во пораз на Русија, туку ја смета како непожелна опција поради опасноста од дестабилизација на нуклеарна сила.
„Но, кој навистина верува дека Русија ќе загуби во Украина? – Русија нема да загуби. Тоа е бајка, целосна илузија. Дури е непожелно да загуби, за земјата која поседува нуклеарно оружје не ја зафати нестабилност“, изјави Де Вевер.
‼️Stunning statements by the Belgian Prime Minister at an event in Brussels this week.
🔹It’s an illusion that Russia will lose in Ukraine
🔹If they lose, instability is bad because of nuclear weapons
🔹I have been personally threatened by Russia if their assets are seizedWow. pic.twitter.com/S3IwvC297A
— Maria Drutska 🇺🇦 (@maria_drutska) December 3, 2025
Ова не е првпат Белгија да изнесува аргументи против користење на рускиот имот за помош на Украина. Де Вевер неодамна изнесе тврдење дека таков потег би можел да доведе до сериозни економски и геополитички последици. Поради тврдиот став на Белгија, други европски земји ја обвинија дека поставува претерани барања за заштита на имотот во случај на тужба од Москва.
Порталот Политико, пак, сугерира дека отпорот на Белгија можеби има и практични причини за страв од руска одмазда.
Фото: screenshot/youtube