Почина култниот германски актер Удо Кир

Германскиот актер Удо Кир, познат по улогите на негативци, чудовишта и вампири, почина на 81 година во Калифорнија.

За време на својата кариера оствари над 270 улоги во американски и европски филмови, а соработуваше со култни режисери но и со Мадона.

Кир се прослави со улогите во филмовите „Flesh for Frankenstein“ и „Blood for Dracula“, а пошироката американска публика го запозна преку „Мојот Ајдахо“.

Тој се појави и во големи холивудски продукции како „Ејс Вентура“, „Блејд“ и „Армагедон“, како и во музички спотови на Мадона.

Роден во 1944 година, Кир започна да глуми во Лондон во 1970-тите и остана препознатлив карактерен актер со култен статус, познат по својата уникатна способност да создава незаборавни и моќни улоги.