Кога разговараме и велам дека сум незадоволен, лично јас и јавноста, од работата на јавниот обвинител, тогаш логичен след на настани по така јавно искажан збор е негова смена, изјави премиерот Христијан Мицкоски во вечерашното интервју во „Топ тема“ на ТВ Телма.
„Многу јасно. Најголем дел од граѓаните, огромен дел, би рекол акламативно, мислат дека не си ја врши својата работа доволно добро“, додаде Мицкоски.
Прекинот на постапката за смена на Љупчо Коцевски, премиерот ја образложи со изборите.
„Еве сега нема избори, може ќе ја продолжиме. Нормално е тоа, не е тоа нешто ненормално. Значи ние ќе си ја продолжиме постапката. А, претходно рековме, еве да му оставиме шанса да се размавне на отворена сцена, да покаже дека е борец за правда, да покаже дека е гладен за правда“, истакна Мицкоски.
Ние, продолжи тој, „не сме задоволни од работата на овој Судски совет и овој обвинител и тоа е наше право да не бидеме ние задоволни“.
С.Д.