Општина Аеродром, а по неа и Град Скопје, поднесоа кривични пријави до Министерството за внатрешни работи (МВР) против ЈП „Комунална хигиена“ за загрозување на животната средина.
Во изминатите три дена, како што истакнуваат од Општина Аеродром, нивните екипи во изминатите три дена собрале 24 тони комунален отпад од домаќинствата во Аеродром, работа која градското комунално претпријатие не ја извршило.
„Свесни сме дека поради оваа вонредна ситуација можеби беа запоставени редовните активности односно чистење на плочници, тротоари и сервисни улици, косење, гребење и уредување на зеленилото, празнење на кантите за џебен отпад, собирање на лисја, гранки и на неколку места и кабаст отпад. Се извинуваме на сите жители за непријатностите и бараме разбирање“, соопштија од Општина Аеродром.