На редовната пролетна седница на српското Собрание имаше инциденти – тепачки, фрлени димни бомби, ракети. Повредени се двајца пратеници на СНС, а на една бремена пратеничка и се слоши. На дневен ред на седницата требаше да се најдат 62 точки, меѓу кои измени на Законот за високо образование, предлог-закон за станбени кредити за млади и гласање за разрешување на претседателката на Собранието, Ана Брнабиќ.
ЗЛФ поднесе предлог на седницата да се расправа само за Законот за високо образование, предлогот беше одбиен. Мирослав Алексиќ најави дека „опозицијата ја констатирала оставката на Владата“.
Седницата почна во 10 часот во зградата на Народното собрание, со интонирање на државната химна, но инцидентите се случија нешто по 11 часот.
Дел од опозициските пратенички групи најавија дека нема да учествуваат во работата на парламентот, но најавија одредени акции, без да прецизираат за што станува збор.
Сепак, и пратеничката група на власта и на опозицијата за денеска најавија вкупно 20 прес-конференции. Мирослав Алексиќ вели дека обраќањата во медиумите може да се препознаат како „паралелна седница на парламентот – само во фоајето“.