Во Основниот Кривичен суд Скопје, каде денеска продолжи судењето за двојното убиство на Вања Ѓорчевска и Панче Жежовски, беше одбиено барањето на првообвинетиот Љупчо Палевски – Палчо за изземање на обвинителите во неговиот случај, како и на обвинителот Гаврил Бубевски.
Судијата прифати и да се изведуваат доказите од камерите од домот на Велибор Манев од Велес во периодот на исчезнувањето на Панче Жежовски, кои досега не беа дел од доказната постапка.
Ноќтта пред убиството на Жежовски, на 21-11-2023 обвинетите се се собрале во куќата на Велибор Манев, на снимките се гледаат како доаѓаат, Боре Видевски со свој автомобил, а Љупчо Палевски и Влатко Кешишев со рено кангуто на партијата Десна.
По извесно време обвинетите се гледа од снимката како се организираат за нешто, внесуваат работи во кангуто, Кешишев се прекрстува и за кусо време се упатуваат во правец кон Велес.
На ова регираше адвокатот од одбраната Јовица Страшевски, според кого со ова се прави злоупотреба.
Која е причината за нивно изведување и доцнење, но тие да бидат во нормална постапка?, праша адвокатот. Панче Жежовски првично се водеше за исчезнат, ае додека не беше пронајдено неговото возило цитроен запалено кај Бразда на неколку метри од местото каде била закопана Вања. Жежовски е пронајден закопан кај местото Рудник, на патот помеѓу Велес и Скопје, убиен со пиштол.