Хрватската полиција пронашла тела на две бебиња закопани во двор на куќа, во близина на Вараждин.
Според медиумите во земјата, двете бебиња најверојатно биле изгладнети до смрт. За нив немало податоци во ситемот, поради што се претпоставува дека се родени во домашни услови и никој не го пријавил нивното раѓање. Пронајдено било и трето дете, неухрането и во многу тешка здравствена состојба.
Локалните власти за хрватските медиуми потврдиле дека родителите на децата биле уапсени. Дел од нив пишуваат за сомнежи за секта, бидејќи и двајцата одбивале да зборуваат и ја читале Библијата. Брачниот пар неодамна се доселил во општината Љубешчица, жителите го забележале неухрането дете и пријавиле сомнително однесување на родителите.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.