Доналд Трамп гласаше на Флорида. Поранешниот претседател пристигна на своето избирачко место во Палм Бич со сопругата Меланија Трамп.
- „Не морам да им кажувам на моите поддржувачи дека нема да има насилство. Се разбира дека нема да има. Моите поддржувачи не се насилни луѓе, тие луѓе не веруваат во насилство. И јас не сакам никакво насилство“, изјави Трамп.
Камала Харис, актуелнaтa потпретседатлка на САД и кандидат на Демократската партија на претседателските избори што се одржуваат денеска, потврди дека веќе гласала. Таа го испратила своето гласачко ливче по пошта.
- Камала Харис ги повика Американците да излезат и да гласаат. Харис ја пренесе својата порака во пренос на локална радио станица во Џорџија – држава која се смета за клучна во претседателската трка.
Никогаш во поновата политичка историја на САД, исходот од претседателските избори не бил толку неизвесен.
Претседателот на САД, Џо Бајден претседателските избори ќе ги следи од Белата куќа и не планира да учествува во јавни настани.
Администрацијата на Бајден истакна дека тој, заедно со сопругата Џил и вработените во Белата куќа заедно ќе ги следат изборите.
Кандидат на Демократската партија е потпретседателката Камала Харис, која Бајден ја поддржа откако се повлече од трката.