До 17 часот гласале 42,38 % од запишаните избирачи, покажуваат статистиките на ДИК. По доставени резултати од над 97 % од вкупниот број на избирачки места, излезноста е за над 7 проценти повеќе од првиот круг на претходните претседателски избори во 2019-та година. Тогаш процентот на излезност до 17 часот беше 28,89 одсто.
Најголема излезност е забележана во Новаци 67,19 одсто, а со тоа е единствена излезност од над две третини и над 60 проценти. Крива Паланка е втора по излезност односно излегле до 17 часови и гласале 58,78% запишани во Крива Паланка. Нема други општини со натполовична излезност до 17 часот.
Најмала излезност е во Пласница каде гласале 15,35% од запишаните, а во Центар Жупа излезноста е 15,57 одсто.
Од скопските општина, во овој период, најмногу гласачи се појавиле на бирачките места во општина Карпош, над 53,78 проценти пред Аеродром со 53,58%. Најмалку гласале во Шуто Оризари, 24,31 одсто.
Првично ДИК објави податоци за 44,18% излезност но со поголем примерок (речиси стопроцентен) од избирачките места, процентот се намали и со тоа и разликата во однос на претходните претседателски избори односно разликата во излезноста е 7 проценти повеќе од изборите во 2019-та.