Спорт Формула 1

Ферстапен недопирлив и во Бразил за 17-та сезонска победа

Макс Ферстапен дојде до 17-тата сезонска победа во Формула 1 отако вечерва славеше на трката за Големата награда на Бразил. Со денешното славје само го подобрува рекордот за најмногу победи во една сезона, а до крајот има уште две трки.

Возачот на Ред Бул и денеска во Сао Пауло на патеката „Интерлагос“ беше недопирлив за конкуренцијата и дојде до триумфот пред Ландо Норис од Мекларен. Место на подиумот имаше и за ветеранот Фернандо Алонсо во болидот на Астон Мартин, откако го престигна Серхио Перез во последниот круг. Ленс Строл финишираше како петти, а поени освоија и Карлос Сајнц, Пјер Гасли, Луис Хамилтон, Јуки Цунода и Естебан Окон. Интересно, трката заврши за Шарл Леклер уште пред да почне, бидејќи возачот на Ферари излета уште при формацискиот круг.

До крајот на сезоната има уште две трки, а следната е на 18 ноември за Големата награда на Лас Вегас, а финалето е во Абу Даби една недела подоцна.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Иџе славеше во Германија: Прва победа во Ферари сезонава

Desk

Победи на Англија и Холандија, бод за Словенија и Данска

Дејан Дејан

УЕФА отвори дисциплинска постапка против Албанија

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе