Пациентите со цистична фиброза за денеска најавија нов протест на пладне кој ќе се одржи пред Министерството за финансии, бидејќи, како што велат, немаат одговор од надлежните институции, до каде е работата со набавката на „трикафта“ за сите на коишто им е неопходна и со законските измени за побрза набавка на лекот.
Претседателот на Асоцијација за цистична фиброза, Фики Гаспар појасни дека протестот ќе биде пред Министерството за финансии, затоа што сметаат оти доколку се обезбеди буџетот, работите ќе бидат многу побрзи..
Неофицијално, како што додаде Гаспар, на Влада поминал предлогот, уште 18 пациенти да го добијат лекот. Во моментов, „трикафта“ примаат 12 лица.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.