Повеќе од 2 часа им беа потребни во Судскиот совет да се пребројат за на крај заменик претседателот на Судскиот совет Селим Адеми да предложи одлагање на изборот за нов претседател за 2-ри мај. Како причина беше наведено отсуството на еден од членовите. Пожелно е за вака важна точка, како избор на претседател, да сме во полн состав рече Адеми.
И вчера не беше присутна судијката Мирјана Радевска Стефкова, но таборот што бараше нејзино разрешување не сакаше ни да слушне за одлагање на седницата за еден ден, како што бараа дел од членови на советот. Затоа денешното оправдание, кое новинарите го слушнаа по два часа чекање, одеше во прилог на неофицијалните информации дека т.н пучисти во Судски совет немаат 8 гласа за да изберат нов претседател.
Адеми кој во присуство на Дамева вчера го презеде раководењето и ја разреши со 7 гласа смета дека институциите се тие што треба да кажат дали е незаконска постапката, а не експерите.
Дамева денеска седна на старото место каде што седеше како член до пред 4 месеци. Таа очекува дека колегите нема да дозволат промена на ставовите во наредните денови а Адеми како заменик требало да ги заштити од можни притисоци и влијанија
Министерството за правда е загрижено за случувањата во Судскиот совет. Министерот Кренар Лога им пишал дека го бара на увид запинсикот од седницата и усвоениот дневен ред. Судскиот совет треба да ја обезбеди самостојноста и независноста на судската власт, а она што во моментов се случува во голема мера ќе влијае на натамошната доверба на граѓаните во судството, пишува во соопштението од правда
Елена Ивановска Мукоска