Весна Дамева е разрешена од функцијата претседателка на Судскиот совет. Ова е епилогот од денешната тензична седница на Судскиот совет.
Караниците кулминираа во моментот кога Дамева одби да стави точка на гласање која ја немаше во дневниот ред. Нејзиниот заменик Селим Адеми повика на гласање, пришто седум члена го поддржаа, по што тој констатира дека Дамева е разрешена и во нејзино присуство го презеде раководењето со седницата.
Адеми притоа експресно ја затвори денешната седница на Судскиот совет и закажа нова за утре во 11 часот.