В сабота почнува изградбата на коридорот 8 но конкретна локација од каде ќе тргне овој проект од Владата не открива. Од транспорт и врски велат багери на терен ке нема туку подготвоки на трасата.
„На 22 април почнува реализација на проектот и почнуваат да течат роковите. Фирмата почнува со геодетски снимања и мерења, почнува подготовка за постапките за експропријација на земјиштето и подготовка на камповите во кои ќе се сместуваат работниците, што ќе ги градат делниците“, информираат од Министерството за транспорт и врски.
Според претходните најави треба да стартуваат градежните работи на дел од Коридорот 8, а на 12 мај и за Коридорот 10Д.
За владата историски проект, за опозицијата историски грабеж и должничко ропство. Колку работници ќе бидат домашни, а колку странци, а уште едно прашање околу кое ги судрија аргументите. Од опозицијата очекуваат македнските работници да бидат околу максимум 30 отсто, но и коридорите да чинат речиси двојно од најавените милијарда и 300.000 евра. Претседателот на ВМРО-ДПМНЕ тврди и дека во случај на грешка во проектот ќе плаќаат граѓаните.
„Некој ќе проектира, а евентуалните грешки во проектот ќе ги плаќаме ние преку ЈП за Државни патишта, или граѓаните, државата ќе го плаќа тоа што е згрешено. И во периодот кој ќе следи ќе отвораме од оваа верзија на договор која ни е доставена, ќе отвораме и други детали во јавноста и ќе се занимавме и со цените, но и со оние цени кои во договорот се ставени како ТБД, односно допрва ќе се дефинираат и ние имаме основано сомнение тоа најмалку двојно ќе го зголеми оној буџет кој Ковачевски и оние околу него ни го презентираа во јавноста“, вели Христијан Мицкоски, претседател на ВМРО-ДПМНЕ.
Мицкоски вчера објави дека властап рифатил во договорот при евентуален спор да не важи македонското законодавство, туку она на Англија и Велс. Многу прашања и дилеми во јавноста поврзани со изградбата на коридиорите останаа засега неодговорени поради тајноста на договорот.
Елена Ивановска Мукоска