Уапсениот американец осомничен за протекувањето на документи од Пентагон, поврзани со војната во Украина и други прашања поврзани со националната безбедност, денеска ќе биде изведен пред лицето на правдата. 21 годишниот Џек Тешеира, припадник на Националната гарда на Масечусетс, кој вчера беше уапсен од ФБИ, ќе треба да даде исказ во кој ќе објасни зошто го сторил делото.
Дел од информациите во јавноста во врска со мотивот за објавување на документите се дека тој изразувал скептицизам кон американската влада, но неговите пријатели, пак, тврдат дека Тешеира ниту бил свиркач ниту странски агент
Американските агентои вчера го уапсија во неговата семејна куќа во Дајтон, Мсачусетс откако тој беше идентификуван како водач на група за онлајн-разговори каде првично биле објавени документите, а оттаму се проширија и на други социјални мрежи.
Младиот гардист се товари за неовластено објавување доверливи информации, а неговото изведување пред суд се очекува да се случи во Бостон во текот на денот.
Тешеира работел како ИТ специјалист во разузнавачкото крило на Националната гарда на Масачусетс.
Документите кои протекоа на социјалните мрежи сугерираат и детално изнесуваат информации за помошта што САД и НАТО и ја пружаат на Украина во војната со Русија, како и за проценките на американските разузнавачки служби поврзани со земјите сојузнички на САД.