Обилните врнежи од дожд неделава низ Балканот предизвикаа опасно издигнување на нивото на водата во реките во Србија, Босна и Црна Гора, поплавувајќи некои области.
Со поплави беа зафатени и делови на Косово и Албанија, каде што високите води го прекрија земјоделското земјиште, ги блокираа патиштата и предизвикаа привремен прекин на електричната енергија.
„Бесправно направените мостови, препреки, сите оние кои го фрлаат целото свое ѓубре во реките и во речните корита ширум цела Србија не само во Нови Пазар, Сјеница, Пробој туку низ цела Србија,тоа ни прави огромни проблеми“, рече Братислав Гашиќ, српски министер за внатрешни работи.
Во северно Косово, властите соопштија дека делови од градот Митровица се поплавени, поради што луѓето се принудени да ги евакуираат своите домови.