Претседателот на Франција направил ненамерна грешка со употребата на придавката „Северномакедонски“.
Вакво уверување добил министерот Османи од кабинетот на Макрон.
Во продолжение го пренесуваме соопштението на МНР.
„Покрај редовната комуникација со амбасадата на Франција во земјава, Министерот за надворешни работи Бујар Османи денес оствари телефонски разговор со Кабинетот на претседателот Емануел Макрон, од каде доби уверување дека при употребата на придавката за граѓаните на Северна Македонија, направена е ненамерна грешка, потврдувајќи го притоа официјалниот став на Франција за целосно почитување на официјалното име на државата, државјаните на Северна Македонија, како и соодветните придавки, на начин како тие се дефинирани и прифатени во Обединетите нации, согласно Преспанскиот договор“ велат од Министерството за надворешни работи.