Бугарските медиуми објавуваат за наводна љубовна афера помеѓу премиерот Кирил Петков и шефицата на неговиот кабинет Лена Бориславова. Информативната агенција Пик.бг објави видео снимка од безбедносна камера во станбена зграда, со датум од 21 јуни 2021 година, на која се гледа како Петков ја допира по задникот Бориславова, додека таа ја отклучува вратата од станот.
Пик тврди дека врската помеѓу бугарскиот премиер и шефицата на неговиот кабинет, која во исто време е свршена со неговиот пријател и сопартиец Мирослав Иванов, трае повеќе месеци. Според нив, кога Петков бил назначен за министер за економија во техничката влада на Стефан Јанев, минатата година, ги сменил директорите на Бугарската банка за развој, кои потоа ја ангажирале адвокатската куќа во која работела Бориславова и која била поставена како овластен извршител со полно работно време во седиштето на банката. Пик напоменува дека истата адвокатска куќа и Бориславова како извршител била ангажирана во сите компании.
И покрај тоа што снимката е од пред речиси една година, извори за Пик тврдат дека врската сѐ уште трае, и уште повеќе што таа ѝ е позната и на сопругата на Петков. Наводно, таа ненајавено и неочекувано се појавила во владиниот авионот пред полетувањето за Рим, од каде ја избркала Бориславова не дозволувајќи ѝ да отпатува заедно со премиерот.