Русковска: Еден осомничен хрватски државјанин пред два дена ја напуштил Македонија, истрагата е за договор за консултантски услуги

Обвинителката за гонење на организиран криминал и корупција Вилма Русковска за Телма изјави дека истрагата во која е осомничен и Мухамед Зекири, генерален секретар на владата е поврзана со злоупотреби на јавна набавка за консултантски услуги, склучена во 4 очи наместо преку тендер.

Двајца осомничени се хрватски државјани, а Русковска изјави за Телма дека и двајцата не се во Македонија. Еден осомничен Хрват ја напуштил државта пред два дена или само еден ден пред да биде отворена истрагата.