Украинците тврдат дека руски војници со себе зеле непознат број заробени украински војници за заложници откако ја напуштиле украинската нуклеарна централа во Чернобил.
Државната нуклеарна агенција Енергоатом објави соопштение на Телеграм кое се однесува на работниците во Чернобил.
„Додека бегаа од нуклеарната централа во Чернобил, руските окупатори со себе поведоа и членови на Националната гарда, кои ги држеа како заложници од 24 февруари“, се вели во соопштението.
„Гардијан“ не може самостојно да ги потврди овие наводи и останува нејасно колку украински војници се киднапирани, ако е вистина дека се киднапирани.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.