Претседателот на Украина, Володимир Зеленски во синоќешното обраќање до нацијата ги повика западните држави итно да ги заострат санкциите кон Русија и да воведат ембарго на нафта.
Тој истакна дека западните држави минатата година згрешиле кога ги пролонгирале санкциите кон Русија.
Зеленски наведе дека санкциите мора да бидат „ефикасни и сериозни“, имајќи ги предвид досегашните постапки на Русија.
САД веќе воведоа ембарго на испораките на руска нафта, но Европа, многу позависна од руската енергија, е неодлучна во тој поглед.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.