Американскиот претседател Џо Бајден ќе отпатува во Полска во петок, на 25 март, за да разговара со претседателот Анджеј Дуда за украинската криза, соопшти Белата куќа.
Портпаролката на Белата куќа Џен Псаки рече дека Бајден во петок ќе отпатува во Полска за да разговара за меѓународниот одговор на „хуманитарната криза и кризата за човекови права создадена од неоправданата и неиспровоцирана војна на Русија против Украина“.
Бајден ќе отпатува во Полска еден ден по средбата со сојузниците на НАТО, лидерите на Г7 и лидерите на Европската унија во Брисел за да разговараат за меѓународните напори за поддршка на Украина по руската инвазија, соопшти Белата куќа.
Во петок Бајден ќе отпатува за Варшава на билатерална средба со претседателот Анджеј Дуда, пренесува Ројтерс.
Повеќе од два милиони бегалци влегле во Полска од Украина од почетокот на руската инвазија на 24 февруари, соопшти полската гранична стража.