Рускиот министер за надворешни работи Сергеј Лавров синоќа замина за Пекинг. Се качил во авионот, но како што дознава германски Билд, некаде на половина пат, над Сибир, неговиот авион се вратил на аеродромот во Москва.
„Билд“ додава дека авионот со Лавров поминал околу 2.800 километри кога го променил курсот и се вратил на аеродромот за поаѓање.
Билд пишува дека не е јасно што се случило, дали Пекинг можеби одбил да го прими „лажливиот Лавров“ или Путин му наредил да се врати.
„Дали е неизбежна нова руска ескалација на конфликтот? Што значи откажување на патувањето во Кина поради војната во Украина и ситуацијата во Кремљ? „Билд“ се прашува, додавајќи дека според американските извештаи, Москва побарала и финансиска и воена помош од Пекинг, иако и двете земји тоа го негираат.
