За точно шест дена свечено ќе бидат отворени Зимските олимписки игри. И покрај најавите за дипломатски бојкот сепак во кинеската престолнина се најавени голем број на високи гости од целиот свет.
Организаторите на Игрите во Пекинг потврдија дека на церемонијата на свеченото отворање ќе присуствува кинескиот претседател Си Џин Пинг, а се очекува да пристигне и првиот човек на Русија, Владимир Путин. Меѓу специјалните гости ќе бидат претседателот на Светската здравствена организација Тедрос Гебрејесус, генералниот секретар на Обединетите нации, Антонио Гутиереш.
Деновиве се очекува и потврда за пристигнувањето на уште неколку претседатели и премиери на државите кои ќе партиципираат на најголемото спортско натпреваурвање. Свеченото отворање на Игрите ќе се одржи на 4 следниот месец.