Справување со енергетската криза, задржување на животниот стандард на граѓаните и компаниите и исполнување на инфраструктурните проекти ќе бидат трите приоритети на новиот владин кабинет. Мандатарот Ковачевски верува дека новите министри успешно ќе можат да се соочат со сите предизвици. Од својот тим очекува целосна посветеност и одговорност во работењето. Задржувањето на дел од министрите Ковачевски го оправдува со добрите резултати кои тие ги постигнале во своите сектори.
Опозициската ВМРО-ДПМНЕ смета дека ова е Влада на поразени политичари.
Седницата за избор на новата Влада планирано е да се одржи викендов. Расправата трае два дена.Славица Грковска ќе биде вицепремиер за борба против корупцијата, универзитетскиот професор Никола Тупанчевски ќе биде нов министер за правда, Славјанака Петровска за одбрана, Јована Тренчовска за труд и социјална политика, Бисера Косатинова Стојчевска за култура. Љупчо Николовски ќе биде министер за земјоделство, Бојан Маричиќ заминува во евроинтеграции, Фатмир Битиќи, Оливер Спасовски и Благој Бочварски ги задржуваат досегашните ресори. Во ДУИ нема промени освен ротација на Јетон Шакири во Министерството за образование. Алтернатива добива три министерски места, здравство, информатичко општество и администрација и министер без ресор задолжен за дијаспората. Горан Милевски од ЛДП останува да биде министер за локална самоуправа.
Јулијана Пешевска
