Нов Јужен Велс, најголемата држава во земјата во Австралија, објави дека враќа некои ограничувања на Ковид-19 бидејќи бројот на дневни случаи достигна највисоко ниво во земјата.
Повеќе од 78 илјади нови случаи се пријавени во земјава во последните 24 часа, првпат од почетокот на епидемијата. Вкупниот број на заболени се искачи на 763.854, а бројот на оние што ги загубија животите на 2.301.
Премиерот на државата Нов Јужен Велс, Доминик Перотет, рече дека се преземаат низа мерки за да се обезбеди поддршка на здравствениот систем и заедницата пред да се достигне врвот на зголемувањето на случаите што се очекува да биде овој месец.
„Имаме работа со многу заразна варијанта, но за среќа се чини дека е многу поблага форма на Ковид-19 и нашите високи стапки на вакцинација помагаат луѓето да бидат безбедни“, рече Перотет.
Наведувајќи дека ја продолжиле суспензијата на не-итни операции до февруари за да го намалат притисокот врз болничкиот систем и персоналот, Перотет додаде: „Ќе го користиме капацитетот на приватните болници кога е потребно, како што направивме за време на епидемиите на алфа и делта“, рече тој.
Според новите ограничувања, пеењето и танцувањето во места како што се барови, ноќни клубови, ресторани, објекти за забава и големи рекреативни објекти се забранети од 8 до 27 јануари.
Свадбените церемонии, уметниците, студентите и воспитувачите беа изземени од овие ограничувања.
Владата, исто така, ја направи задолжителна третата доза на вакцина против Ковид-19 и ги советуваше луѓето да избегнуваат големи куќни собири и да седат на јавни површини.
Според Министерството за здравство, Австралија досега целосно вакцинирала 91,9 отсто од луѓето на возраст од 16 и повеќе години, додека 94,6 отсто од населението ја примиле својата прва доза вакцина против Ковид-19.