Американската агенција за храна и лекови го одобри лекот на Астра Зенека против коронавирус – „Евушелд“.
Тоа е коктел од антитела што ја спречува инфекцијата на лицата со ослабен имунитет и оние кои имале силни несакани ефекти од вакцинацијата.
Лекот е одобрен само за возрасни и адолесценти кои досега не биле заразени, ниту пак биле во контакт со заразени лица.
Истражувањата покажале дека лекот ја спречува инфекцијата со Ковид и манифестирањето на симптомите во 77 отсто од случаите.
Предвидено е лекот да се дава во две инјекции, а заштитата трае од седум месеци до една година.
Иако вакцините се најефикасна заштита од Ковид-19, на луѓето со ослабен имунитет и на оние кои лошо реагирале на вакцините им треба алтернатива, сметаат од ФДА.
Коктел со антитела може да спречи, во раните фази, развој на тешка клиничка слика на Ковид.
Вакцината на Астра Зенека сè уште не е одобрена во САД.