Данела Арсовска во моментот се обраќа и прогласува победа на локалните избори во главниот град.
Таа рече дека по тешките битки во кампањата, немала противник само во стариот градоначалник Шилегов туку и како што рече во премиерот во заминување.
Се заблагодари за поддршката од жителите на главниот град и рече дека од утре се тргнува во борба за почист град и за нејзините проекти.
Арсовска се заблагодари на своето семејство кое ја поддржуваше во текот на кампањата.
-Имаме шанса после црната кампања која гласачите ја прозреа, сега имаме шанса уште од првиот ден да почнеме посветено да работиме, да побараме одговорност за владеењето и Скопје да го трснформираме во чист, убав, зелен и модерен град, рече Данела Арсовска, избрана за нов градоначалник на Скопје на изборите 2021-ва.
Арсовска во политиката се вклучи како независен кандидат поддржан од ВМРО-ДПМНЕ, а досега беше претседател на Сојуз на стопански комори.