За жал, немаме охрабрувачки вести од Бугарија. Очигледно е дека потребно е формирање на влада во Бугарија, рече Бујар Османи министерот за надворешни работи, прашан дали Македонија може да добие зелено светло на престојниот европски самит на 6 октомври за откочување на ЕУ патот на нашата земја.
Ние бевме во очекување дека во овој втор постизборен обид за влада ќе има институции за да можеме во тој политички дел да комуницираме и да бараме решение“, вели Османи. Наместо техничка одлука на служебната влада се погласни се сигналите дека идната влада во Софија би можела да бара ревизија на Договорот за добрососедство, основ Бугарија да ја пропушти Македонија во евроинтегративните процеси иако и двете поитички партии со најмногу поддршка не успеа да формираат парламентарно мнозинство.
„Јас цело време бев на ставот дека политичка влада не е неопходна, бидејќи политичката одлука беше донесена лани во март и првата одлука во март веќе е донесена и првата меѓувладина конференција требаше да биде само техничко исполнување. Но, тоа очигледно се покажа како неможно. Ситуацијата во Бугарија е таква да одлуката не може да се донесе без политички институции. Иако вестите не се охрабрувачки, ние ќе продолжиме да комуницираме и да убедуваме дека регионот не смее да биде заложник на внатерешн-политичките околности во која било земја членка“, рече Османи.
Софија од пролетта не може да се формира политичка влада, Собранието во Скопје, минатиот месец, а две години по бугарското собрание изгласа резолуција за црвените линии во однос на спорот.
Павле Беловски