Пред еден час Основниот суд во Гевгелија го издаде налогот со кој екс обвинителката на СЈО, Катица Јанева ќе оди на издржување на 7 годишната казна затвор. Ова за Телма го потврдува претседателката на судот Злата Попова, која вели дека претходно по маил судот ги добил првостепената и второстепената пресуда.
Но, фалеле делови од пресудата па откако ги докомплетирале документите, судија за извршување на санкции издаде, вели Попова. Писмото е однесено и до полициска станица Гевгелија, која треба да ја спроведе Јанева во Идризово. Катица Јанева е осудена во предметот Рекет за Злоупотреба на службената положба. Откако Апелацискиот суд во Скопје ја потврди затворската казна таа од домашен притвор односно од семејната куќа во гевгелија ќе треба да биде однесена во затвор во идризово кој е и единствениот женски затвор. Вчера доцна попладне во Идризово беше однеен и Бојан Јовановски кој е осуден на 9 години за перење пари и рекетирање.