Бизнисменот Трифун Костовски објави јавна реакција по одлуката на Основното јавно обвинителство за гонење организиран криминал и корупција да покрене обвинение за стечајот на Еуростандард банка и да поднесе предлог за поведување судска постапка против четири лица.
Костовски, кој е меѓу опфатените со предлогот тврди дека пет и пол години бил предмет на истрага без да бидат пронајдени докази за криминал или перење пари и оценува дека обвинението за несовесно работење е неосновано.
Тој нагласува дека како претседател на Надзорниот одбор, но и како акционер во банката, немал никаков интерес таа да пропадне.
„КОЈА ЛОГИКА БИ МЕ НАВЕЛА НЕСОВЕСНО ДА УПРАВУВАМ СО ИНСТИТУЦИЈА ВО КОЈА СУМ ВЛОЖИЛ СОПСТВЕН КАПИТАЛ, ТРУД, УГЛЕД И ГОДИНИ ОД СВОЈОТ ЖИВОТ?“, ПРАШУВА КОСТОВСКИ.
Во реакцијата тој ја доведува во прашање одлуката токму тој да биде обвинет, иако, како што наведува, Надзорниот одбор броел пет члена, а сите одлуки биле носени колективно.
„Сметам дека е срамно обвинители на високи позиции, меѓу кои Коларевиќ, Абази и Савевски, да дозволат во јавноста да се појави ваков, според мене, правно и логички неодржлив предлог за мое гонење. Надзорниот одбор на Еуростандард банка броеше пет члена. Дневниот ред се усвојуваше со мнозинство гласови. Секоја точка се разгледуваше и се изгласуваше како колективна одлука на Надзорниот одбор. Тогаш, врз која логика од петмина членови се издвојува токму еден човек?
Како колективната одлука одеднаш се претвора во индивидуална вина?“,прашува Костовски.
Костовски упатува остри критики и кон обвинителката која го водела предметот Коларевиќ, прашувајќи дали постапувала исклучиво врз основа на закон и докази или, како што тврди тој под влијание на „центри на моќ“.
ТОЈ ГО СПОРЕДУВА ОВОЈ ПРЕДМЕТ СО СЛУЧАЈОТ „МАЗУТ“, НАВЕДУВАЈЌИ ДЕКА ТАМУ ИСТАТА ОБВИНИТЕЛКА ПОСТАПКАТА ЈА ЗАВРШИЛА ЗА ПОМАЛКУ ОД ЕДНА ГОДИНА, ИАКО СЕ ГОВОРЕЛО ЗА ИЗНОС ОД ОКОЛУ 160 МИЛИОНИ ЕВРА, ДОДЕКА ИСТРАГАТА ЗА ЕУРОСТАНДАРД БАНКА ТРАЕЛА ПЕТ И ПОЛ ГОДИНИ И ВО ТЕКОТ НА ИСТРАГАТА НЕ БИЛЕ ПРОНАЈДЕНИ ДОКАЗИ ЗА КРИМИНАЛ ИЛИ ПЕРЕЊЕ ПАРИ, ПОРАДИ ШТО СМЕТА ДЕКА ОБВИНЕНИЕТО ЗА НЕСОВЕСНО РАБОТЕЊЕ Е ОБИД ДА СЕ ОПРАВДА ДОЛГОГОДИШНАТА ПОСТАПКА. ВОЕДНО, ОЦЕНУВА ДЕКА ОБВИНИТЕЛКАТА ТРЕБА ДА ЈА НАПУШТИ ФУНКЦИЈАТА ЗАШТО РАБОТЕЛА ПОД ВЛИЈАНИЕ НА СИВАТА ЕМИНЕНЦИЈА
Во своето обраќање тој ја критикува и Народна банка оценувајќи дека одлуката Еуростандард банка да замине во стечај била неоправдана и дека не биле искористени сите можности за нејзино спасување.
Според него целиот предмет се води под влијание на „центри на моќ“ чија цел е да му бидат нарушени угледот и животот.
Костовски најавува дека започнува, како што пишува, „отворена битка“ против институциите и поединците за кои смета дека неправедно го гонат и порача дека ќе ги искористи сите законски и демократски средства за, како што вели, вистината да излезе на виделина.