Продолжува палењето на депонијата кај месноста Шушлевец која се наоѓа во близина на патниот правец Берово – Струмица. Граѓани кои живеат во близина на депонијата информираат дека огнот бил најсилен синоќа.
-Навистина ситуацијата е аларматна. Две недели се гушиме во чад. Иако службите се на терен и прават се таа да биде изгасена, сепак во текот на вечерните часови таа повторно се пали, велат жители на Берово.
Од Територијалнатапротив пожарна единица во Берово потврдија дека депонијата се пали навечер.
-Ситуацијата со депонијата изгледа како некој да се ,,подигрува” со нас. Ние ја гаснеме преку ден, навечер некој ја пали. Иако по цел ден сме активни во гаснењето и се истура и земја, сепак навечер таа гори, истакнаа од ТППЕ Берово.
Од комуналното претпријатие напоменаа дека палењето редовно се пријавува до надлежните од беровската полиција, од каде добиле информација дека се работи на откривање на евентуалните пиромани.