По острите и навредливи зборови кои ги упатија деновиве за членовите на „Платформата:Разговори за иднината 12:05“ од СДСМ вчерва испратија помирувачка порака.
Извршниот одбор на партијата донел заклучок да ги повикаат на дијалог сите поединци и групи со кои аргументирано би разговарале за прашањата поврзани со СДСМ внатре во органите и телата на партијата, а да не се препукуваат преку медиуми. Според членовите на Извршниот одбор вонпартиските иницијативи и платформи прават штета и ја уриваат партијата од внатре – во време кога партијата се престројува и се подготвува да се спротистави на деструктивната политика на владеачката партија.
„Извршниот одбор оцени дека секоја дебата којашто се однесува на СДСМ треба да се води во партијата, пред органите и телата а не надвор од неа. Во оваа насока Извршниот одбор на СДСМ донесе заклучок јавно да ги повика на дебата во партијата сите поединци или групи, да дебатираме тука за борбата против криминалната власт на Мицкоски.
Вратите на СДСМ се отворени за секој што и мисли добро и што споделува прогресивни вредности. Само низ дијалог и соочување на аргументите внатре во партијата може да се разговара, не преку медиуми, не преку вонпартиски иницијативи и платформи кои и прават штета и ја рушат партијата од внатре. Нашата заедничка цел е јасна – СДСМ се престројува и се подготвува за силна, бескомпромисна и организирана борба против погрешните социјални, економски и политички деструктивни политики на ВМРО, кои туркаат државата во изолација, а граѓаните во длабока сиромаштија“, се наведува во заклучоците кои вечерва ги усвоил Извршниот одбор на СДСМ.
Од партијата додаваат дека единството треба да биде насилното оружје и дека нема простор за вештачки создадени поделби, дефокусирање или внатрешни сопнувања.
„ Разликите во размислувањата се наша предност, но целта ни е и треба да ни остане заедничка – Фронтот за вистина и правда“, пишува во заклучоците.
Во однос на актуелната ситауција во земјава, ИО на СДСМ оценилдека власта води погрешни економски и криминални политики, економската состојба во земјава е загрижувачка, животниот стандард на граѓаните е влошен, во Буџетот нема пари, а власта трупа нови долгови.