Билансот на жртвите во земјотресот што вчера ја потресе југозападната кинеска провинција Сечуан достигна 46 загинати и 50 повредени. Според последните информации што денеска ги објави кинескиот „Народен дневник“, 16 лица се водат како исчезнати.
Најтешко погодена од земјотресот со интензитет од 6,8 степени по Рихтеровата скала е областа Лудинг, на околу 200 километри оддалеченост од Ченгду, главниот град на провинцијата.
Потресот уништи куќи и предизвика лизгање на земјиште. Многу од улиците во засегнатото подрачје сè уште се блокирани од урнатини, а во прекин е снабдувањето со електрична енергија и вода, како и комуникациската мрежа.
Во тек е голема операција за пребарување и спасување, со илјадници вклучени во активностите. Кинеската влада ја мобилизираа и војската да помогне во спасувањето и справувањето со последиците, за што е ангажирани и хеликоптери и беспилотни летала што пребаруваа од воздух. Употребена е и тешка механизација за расчистување на погодените области.
Кинеското Министерство за финансии и Владата на Сечуан обезбедија по 50 милиони јуани (околу 7,2 милиони долари) финансиска помош за настраданото подрачје, објавија државните медиуми.
