Еврејската зедница и Фондот на холокаустот на Евреите од Македонија се згрозени и
навредени од името на новиот културен дом во Битола, кој носи име на потврден фашист
и близок соработник со нацистите, се вели во соопштението до медиумите.
Еврејската заедница оценува дека овој чин претставува навреда за Евреите и е закана за човековите слободи и права, како и кршење на демократскиот карактер и вредностите на модерна Европа.
Наследниците на преживеаните од холокаустот велат дека нема да ги премолчуваат ваквите
појави и испратија неколку свои барања:
– Во Собранието да се донесат измените на кривичниот закон, иницирани од Еврејската
заедница во 2017 година, со кои ширењето на антисемитизмот, негирањето и
искривувањето на холокаустот, глорификација на фашизмот и нацизмот, како и употреба
на нивните симболи и поздрави да бидат казниви со закон;
– Да се поведе постапка околу правната издржаност културни и други центри, граѓански
здруженија итн. да носат имиња по потврдени фашисти и докажани соработници на
нацистите;
– Владата на Р. Бугарија да се извини за злосторствата и холокаустот направени од
нивните претходници за време на Втората светска војна;
– Европската Унија и Европскиот парламент да го осудат ваквото поведение на Р.
Бугарија.