Податоците што денеска ги објави Државниот завод за статистика покажуваат дека од вкупно попишаните лица 54,25 отсто се Македонци, 29,52 отсто се Албанци, 3,98 %Турци, 2,34 % се Роми, 1,18% се изјасниле како Срби, 0,87% се Бошњаци, а 0,34 отсто се Власи, информираше директорот на Државниот завод за статистика, Апостол Симовски.
Од жителите кои се резиденти и живеат во државата, во етничкиот состав има 58,44 % Македонци, 24,3% се изјасниле како Албанци, трета етничка заедница се Турците кои се 3, 86% од бројот на резидентните жители во Македонија.
Според пописот 2 53% се изјасниле како Роми, 1,3 % се Срби од резидентните жители, а под еден процент се Бошњаци со 0,87 % од населението кое е во државата, и Власите со 0,47%.
Процентот на резиденти е повисок од процентот во вкупно попишаните граѓани кај Македонците, Србите, Ромите и Власите. Спротивно, процентот на вкупно попишаните Албанци и Турци е повисок од процентот на резидентите -Албанци и Турци.
Дијаспората е клучна за оваа разлика, односно од попишаните во странство над 66 % се изјасниле како Албанци, додека процентот на Македонци е околу 24 % од попишаните во дијаспора. Во странство се попишале вкупно 260.606