Автомобил удри во група изведувачи на белгиски карневал со голема брзина, при што загинаа шест, а се повредени десет лица кои се подготвувале за парада рано денеска, соопштија властите. Според нив, инцидентот не личи на милитантен напад.
Во оваа фаза, нема елементи кои сугерираат дека нападот имал терористички мотив, изјави обвинителот Демиен Верхејен на прес-конференција.
Полицијата ги демантираше извештаите на медиумите дека автомобилот бил вклучен во полициска потера. Инцидентот се случил во јужното белгиско село Стрепи-Бракенис околу 5 часот утрото.
Жак Гобер, градоначалник на соседниот град Ла Лувиер, рече дека меѓу 150 и 200 луѓе се собрале за да се подготват за годишниот карневал.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.