Со инциденти меѓу полицијата и демонстрантите, со молотови коктели, солзавец и топови со вода, заврши протестот пред грчкиот Парламент во центарот на Атина против вакцината и против задолжителната имунизација.
Инцидентите започнаа кога демонстрантите почнаа кон полицијата да фрлаат предмети и шишиња, по што специјалните сили одговорија со солзавец и шок бомби, а тензијата од пред Парламентот се пренесе и по околните улици.
Полицијата интервенираше и со неколку цистерни со топови вода, а уапсени се најмалку две лица.
Денешниот протест беше организиран преку социјалните мрежи, од една страна од оние кои се целосно против вакцината и од друга од оние кои не се против вакцината, но не се согласуваат со задолжителната вакцинација.
Меѓу демонстрантите имаше и попови, а на масовниот протест се извикуваа слогани и против Владата на Мицотакис, но и против новинарите.