Албанскиот премиер Еди Рама со голема насмевка го пречека познатиот американски рапер Кање Вест откако претходно во јавноста ја бранеше инвестицијата од 4 милиони евра кои ги обезбеди од буџетот за да го покрие износот за настапот на раперот во Албанија посочувајќи го како добра инвестиција за земјата.
„Одвоивме 4 милиони евра во последен момент за да избегнеме засрамување на Албанија во очите на речиси 25.000 странски посетители од 80 земји кои веќе купиле билети за да го видат Канје Вест, додека многу други беа претпазливи дека концертот може да биде откажан“, напиша албанскиот премиер Еди Рама на неговиот „Фејсбук“ профил.
Рама преку објавата се обидуваше да се справи со гневот на јавноста поради настанот, тврдејќи дека сумата од 4 милиони евра (4,56 милиони долари) е инвестицијата која е добра за земјата.
„Одвоивме 4 милиони евра во последен момент за да избегнеме засрамување на Албанија во очите на речиси 25.000 странски посетители од 80 земји кои веќе купиле билети за да го видат Кање Вест, додека многу други беа претпазливи дека концертот може да биде откажан“, рече Рама на Фејсбук.
Албанија е последната земја што му дозволи на раперот да настапи, откако неколку други одбија. Концертот е закажан за 11 јули(денес) и ќе се одржи веднаш надвор од главниот град Тирана, на импровизиран стадион изграден специјално за настанот.
Раперот, кој неодамна е познат како „YE“, е исклучен поради неговите провокативни коментари во минатото, кои вклучуваа антисемитски забелешки, пофалби за Адолф Хитлер и содржина со нацистички слики. Кање се дистанцираше од своите претходни постапки, велејќи дека тие се поврзани со неговото биполарно растројство. Тој се извини за објавувањето на антисемитската содржина на социјалните медиуми минатата година, велејќи дека жали за секоја болка што ја предизвикале неговите зборови и побара прошка.
Сепак, земји како Франција, Велика Британија, Австралија и Полска го забранија неговиот настап или не му дозволија да влезе во земјата. Но, од минатата година, тој можеше да настапува во земји како Словачка, Холандија и Грузија. Премиерот Рама е на ставот дека со концертот ќе се генерираат најмалку 100 милиони евра приходи за земјата, што го поврза со порастот на резервациите за сместување околу времето на концертот.
Албанскиот премиер дополнително е критикуван и поради плановите за луксузен одморалиште на зетот на американскиот претседател Доналд Трамп, Џаред Кушнер. Силниот отпор кон проектот предизвика секојдневни протести во Тирана против Кушнерови и перцепираната корупција во рамките на албанската влада.