Ваквите предлози кои неофицијално кружат во јавноста, според ССМ се несериозни и на долг период не даваат резултати ниту ќе го покријат дефицитот на Пензискиот фонд. Наместо избрзани мерки преку зголемување на стапката на придонес или продолжување на возраста за пензионирање, од ССМ велат дека се потребни сериозни политики и мерки за зголемување на бројот на вработување на младите по пат на реални и одржливи работни места кои ќе бидат резултат на нови домашни или странски инвестиции и зголемување на платите, а со тоа и зголемување на средствата во Фондот за пензиско и инвалидско осигурување.
ССМ предлага да се воведе избор при пензионирање – како пензионирање со навршени 40 години работен стаж за мажи и 35 години работен стаж за жени, предвремено пензионирање, воведување на бенефициран стаж за градежните работници, старосна пензија – по возраст или работен стаж – по дејности, предвремена старосна пензија по возраст, неполна старосна пензија по возраст обезбедување на можност за докуп на стаж.
Дополнително се потребни сеопфатни ангажмани за трансформација на непријавената работа во пријавена и целосен ангажман на инспекциските и други државни органи за наплата на социјалните придонеси во целост, со што социјалните фондови можат да станат реали и одржливи и ќе бидат вистинска заштита и сигурност за работниците и граѓаните во услови на болест, старост, невработеност.