Кратко траеше денешното рочиште за судењето за трагедијата во дискотеката „Пулс“ кое продолжи во судницата во затворот Идризово..
Еден сведок од Општина Кочани не дојде, а неколку други кои беа повикани од Обвинителството, одбиваат да сведочат. И покрај тоа што обвинителството се повлече од сведоците кои ги имаше предложено дел од адвокатите инсистираат тие да се појават. Судот нареди со полиција да бидат донесени оние кои неоправдано ќе одбијат да сведочат, додека оние кои имаат здравствени проблеми да приложат доказ лекарска документација..
Рочиштето заврши порано од вообичаено. Сведочеше Наско Карадаковски, татко на починатиот Александар, кој се водел како управител на фирма на газдата Дејан Јовановски.
Тој рече дека неговиот син бил поставен само формално за управител, бидејќи бил другар со синот на газда Деко, но не одел во банка ниту го водел сметководството. Тој станал нервозен кога дознал дека може да има законски последици од тоа што е поставен за управител.
Карадаковски почина од повредите здобиени во пожарот во Пулс во Литванија каде што заедно со уште десет лица беше испратен на лекување. Почина три недели по трагедијата во Пулс.